மு.மனோன்மணி

ஒத்திகை

ஏறும் போதும்
இறங்கும் போதும்
நூறுமுறை திரும்ப வைக்கும்
மாடிப்படிச் சுவரில்
மாட்டப்பட்ட கண்ணாடி.

அடிக்கடி முகம் கழுவி
மஞ்சள் பூசி மையிட்ட
முக அழகை
கொஞசமும்
அதியமாய்க் காட்டத் தெரியாத
குணம் அதற்கு.

பழித்துக் காட்டினால்
என்னைப் பழிக்கும்.
எது எப்படியாயினும்
நிதம், நிதம்
ஒத்திகை பார்த்துக் கொள்ள
உதவும் தோழியது
யாருக்கு எந்த முகம்
காட்ட வேண்டுமென.

மு.மனோன்மணி.