🌹 நான் சாதாரணமானவன்
கேள்வி :
நீங்கள் , "நான் மிகவும் சாதாரணமானவன் ' என்று கூறுகிறீர்களே இதற்கு என்ன அர்த்தம் ? எங்களுக்குச் சற்று விளக்கவும்
பதில் :
உங்களுடைய கோரிக்கைகளை நிறைவேற்ற எனக்கு எந்த நிர்பந்தமும் இல்லை .
நான் மிகச் சாதாரண நிலையில் எந்தவித எதிர்பார்ப்பும் இல்லாமல் நான் நானாகவே இருக்கிறேன் .
உண்மை மிகவும் சாதாரணமானது .
ரோஜாப்பூ , ரோஜா பூவாகவும் , ஆறு ஆறாகவும் , பாறை பாறையாகவும் இருக்கிறது .
நான் அவற்றைப் போல ஒரு சாதாரணமானவன் .
பிறகு உங்களுக்கும் எனக்கும் என்ன வித்தியாசம் ?
அந்த வித்தியாசம் , நான் என்னுடைய சாதாரணத் தன்மையைக் கொண்டாடுகிறேன் .
ஆனால் நீங்களோ அதைக் கொண்டாடுவது இல்லை .
நான் அதில் நிறைவாக இருக்கிறேன் .
பேரானந்தத்தில் இருக்கிறேன் .
நான் ஒரு உயிர்த்தன்மையாக இருக்கிறேன் .
நீங்களோ எதிர்காலத்தில் இருக்கிறீர்கள்
என்னிடம் எந்த எதிர்பார்ப்போ , எந்தப் புகாரோ , வேறு யாரையும் போல நான் ஆகவேண்டும் என்று முயன்றதோ இல்லை .
நான் என்னுடைய படைப்பில் நிறைவாக இருக்கிறேன் .
🌿நான் ஒரு சின்ன விஷயத்தைக்கூட மாற்ற விரும்பியது இல்லை . 💐
இந்தப் பரிபூரண ஓய்வுத்தன்மையில் அந்தத் தெய்வீகக் கொண்டாட்டம் தானே கிளம்புகிறது .
இந்தப் பிரபஞ்ச உயிர்த்தன்மையில் கடவுள் மிகவும் சாதாரணமாக இருக்கிறார் .
அது அப்படித்தான் இருக்கவேண்டும் .
நீங்கள் வித்தியாசமாகவும் , தனித்தன்மையுடையவராகவும் இருக்கும் உங்கள் முயற்சிகள் அனைத்தையும் விட்டுவிடுவது தான் என்னுடைய முழுப் போதனையாகும் .
உண்மையை அப்படியே அனுபவியுங்கள் .
நீங்கள் யாராக இருந்தாலும் எங்கே இருந்தாலும் நீங்கள் உங்களையே கொண்டாடுங்கள் .
இதைத்தான் நான் பிரார்த்தனை என்கிறேன் .
நீங்கள் எப்படி இருக்க வேண்டுமோ , அப்படி இருப்பதே மிகப்பெரிய அற்புதம் ! .....
கேள்வி :
நாங்கள் உங்களோடு எவ்வளவு காலம் இருக்க வேண்டும் ?
பதில் :
" அது உங்களைப் பொறுத்தது ; என்னைப் பொறுத்தது அல்ல .
எந்த மாஸ்டரும் , யாரையும் ஞானமடைய வற்புறுத்த முடியாது .
எந்த மாஸ்டரும் ' என்னோடு இரு ' என்று கட்டளையிட முடியாது .
ஒரு சீடனின் இதயம்தான் அதைத் தீர்மானிக்க வேண்டும் .
அந்த அன்புப் பிணைப்பு சீடனின் இதயத்திலிருந்து வரவேண்டும் .
இது ஒரு கல்லூரி இல்லை .
நீங்களும் ஒரு மாணவர் இல்லை .
என்னைப் பொறுத்தவரையில் நீங்கள் முழு சுதந்திரத்தில் இருக்கிறீர்கள் .
இங்கே யாரும் வரவில்லையென்றாலும் , நான் ஒவ்வொரு நாள் மாலையும் இங்கு வந்து இந்த மூங்கிலுக்குப் பிரசங்கம் பண்ணுவேன் !
நீங்கள் இங்கு இருப்பதா , வேண்டாமா என்பது உங்களுடையது முடிவு ; என்னுடையது அல்ல . " .......... 🌹
*ஓஷோ*
