தபு சங்கர்

●●●●

வந்தவளை
வாழவைக்கும்
இதயம்

வந்தவள் போய்விட்டால்
வாழ்ந்து கெட்ட
இதயம்
●

ஏமாற்றியதற்காக
வஞ்சம் தீர்ப்பானோ என்று
பயம் கொள்வதாய்
நீ உன் தோழியிடம் சொன்னதுதான்
நீ என்னை ஏமாற்றியதைவிடக்
கொடுமை
●

உண்மையில்
நீ என்னைக்
காதலித்து ஏமாற்றினாயா
இல்லை
காதலிக்காமல் ஏமாற்றினாயா
●

நீ என்னைக் காதலித்து ஏமாற்றியது
என் காதலுக்குத் தெரியாது
அதனால்தான்
அது இன்னும் உன்னைக்
காதலித்துக்கொண்டே இருக்கிறது
●
_தபு சங்கர்