நாவிஷ் செந்தில் குமார்

அவனுக்கு இன்னொரு பெயரும் உண்டு

********************************************

சித்தாள் வேலை செய்கிற

அவனை

கொத்தனார், தச்சர் உள்ளிட்ட

வீட்டு வேலை பார்ப்பவர்கள்

'டே.. ஊமையா...' என்றுதான்

அழைப்பார்கள்.

மதியச் சாப்பாட்டிற்குப் பிறகு

ஓய்வெடுக்கும் போது

வீடு கட்ட

குவிக்கப்பட்டிருக்கும் மணலில்

'ராமு' என்ற தன் பெயரை

எழுதி

கொஞ்சநேரம் வெறித்துவிட்டு

அழிப்பான் அவன்.

--நாவிஷ் செந்தில்குமார்