இது இப்படித்தான்
----------------------------
- ஆத்மாநாம்
---------------------
விரியும் ஒளி நடுவே
நானிருக்கிறேன்
என் கைகள் ஒரு அழகான உலகைச்
சமைக்கின்றன
மரங்களைப் பார்ப்பதைத் தவிர்க்க
முடியவில்லை
அவை எவ்வளவு பசுமையாக
நம்பிக்கையுடன் உள்ளன!
பிரகாசமான ஒரு பாதை
மல்பெரி மரங்களுக்கு அப்பால்
ஓடுகிறது.
சிறை ஆஸ்பத்திரி ஜன்னலின் முன்
நான் நிற்கிறேன்
மருந்தின் நெடியை
சுவாசிக்க முடியவில்லை.
எங்கோ
வண்ண மலர்கள் பூத்திருக்கும்
இது இப்படித்தான், என் நண்பனே
சிறைப்படுதல் அல்ல
பிரச்னை சரணடையாமல் இருப்பதுதான்
