வழிப்போக்கன்

நான் செத்த பின்பும்

யாராலோ நீரூற்றப்பட்டு

எனது தோட்டத்து மல்லிகை

வாசத்துடன் பூக்கப் போகிறது

எனது வீட்டில் உள்ளவர்கள்

உண்ணப் போகிறார்கள்

கவலை மறந்து

உறங்கப் போகிறார்கள்

காலையில் கிழக்கே பொதுவாய்

கதிரவன் உதிக்கப் போகிறது

மாலையில் மேற்கே பொதுவாய்

கதிரவன் மறையப் போகிறது

சுழலும் பூமி சுழன்று கொண்டு தான்

இருக்கப் போகிறது

பின் நான் மட்டும் இங்கு

பிழைத்திருப்பது குறித்தும்

மரிப்பது குறித்தும்

மகிழ்ந்து கொள்ளவோ

வருத்தம் கொள்ளவோ

இங்கே தனியாய் என்ன இருக்கிறது

விதிக்கப்பட்ட ஆயுளை

ஆர்பாட்டமின்றி அன்பைப் பகிர்ந்து

வாழ்ந்து கடப்பதைத் தவிர..

வழிப்போக்கன்..